DAVAO CITY – Gipasalig sa Davao City Traffic Group nga pahugtan pa nila ang ilang operasyon batok sa mga motorista nga makalapas sa balaud trapiko.
Tipik lamang kini human nga mikabat sumala pa sa 24,317 ka mga temporary operators permit (TOP) ang ilang na-isyu batok sa mga malapason sa balaod.
Sumala pa kang Pol Lt. Col. Nolan Raquid, hepe sa Davao City Traffic Group, nga pipila sa mga kalapasan nga natala ang gilangkuban sa illegal parking nga anaa sa 7,766; Disregarding traffic signs nga anaa sa 3,744; ug failure to wear helmet nga anaa sa 2,995.
Gitataw ni Raquid nga ang nahisgutan nga ihap pagpamatuod lamang nga daghanan pa gihapon ang mga masinupakon sa balaod.
Mikabat sab sa 9,419 ka mga citation tickets ang ilang na-isyu sa milabay nga tuig.
