DAVAO CITY – Lauman ang mas daghang pang mga linog nga masinatian sa mosunod nga mga adlaw sa pipila ka bahin sa davao region.
Kini ang gipamahayag ni Phivolcs Director Renato Solidum sa pakighinabi sa bombo radyo.
Sumala ni Solidum nga hinuon dili kaayo kusog ang mga mabating pagtay-og dili lamang sa lungsod sa Manay, Tarragona ug uban pang kasikbit nga mga munisipalidad nga sakop sa probensiya sa davao oriental.
Apan, nagpahinumom si Solidum sa katawhan nga kinahanglan nga mag-matngon gihapon gumikan kay dili matag-an ang dagan sa panahon ilabi na ang mga masinatian nga linog.
Kahinumduman nga gikatala ang 6.1 mangnitude nga linog sa Manay Davao Oriental alas 5:57 kaganinang buntag.
Human niini, sunod-sunod usab nga nabati ang mga aftershocks nga audnay gikusgong 3.3 hangtud 4.4 magnitude nga mga aftershocks.
Samtang dinhi sa dakbayan sa Dabaw gikatala ang intensity 2, uban sa General Santos City; Tampakan, South Cotabato, Bislig City; ug Kidapawan City.
Kahinumduman nga niadtong LUnes, gitay-og usab ang Manay Davao Oirental sa 6.2 magnitude nga linog.
