DAVAO CITY – Human ang gipatuman nga gun ban ug kampanya batok loose firearms, nakatala sumala pa ang Davao City Police Office (DCPO) ug kinatibuk-ang 25 ka nga indibidwal nga nasikop human nga nakalapas sa maong balaud sukad Enero ning kasamtangan nga tuig.
Sumala pa kang DCPO director Colonel Kirby John Kraft, ang tanan nasikop ang nag-atubang ug kasong kalapasan sa Republic Act 10591 o illegal possession of firearms.
Sa kasamtangan, anaa na sa 30 ka mga operasyon ang gipahigayon sa law enforcers nga miresulta sa pagka-rekober sa 30 loose firearms, nga gilangkuban sa mga low ug high-powered firearms.
Nakumpiska sumala pa ang nahisgutan nga armas sa checkpoints, police response ug police operations.
Subli sab nga nagpahimangno ang DCPO sa mga gun holders kalabot sa polisiya batok sa pagdala-dala ug armas.
Sa mga Gun enthusiasts nga adunay shoot fest ug plano nga magdala ug armas, kinahanglan nga mokuha sumala pa kini ug permit to transport sa Regional Civil Security Units-Davao nga nahimutang sa sulod sa Police Regional Office-Davao headquarters sa Catitipan ning siyudad.
