DAVAO CITY – Nakabaton ang dakbayan sa Davao ug pinakataas nga local economy sa tibuok Davao Region. Gikatala sa Philippine Statistics Authority nga gibana-banaang nasa P454.7 billion ang kita sa dakbayan niadtong tuig 2021 taliwala sa nahimong hulga ug restriksyon sa COVID19 pandemic.
Subay sa Provincial Product Accounts kon PPP sa Davao Region, gikanayon sa ahensya sa report niini niadtong Disyembre 19 nga mikabat sa 51.6 percent ang output sa Davao City nga lakip sa sa total economic output sa tibuok rehiyon.
Gisundan kini sa Davao del Norte nga dunay 17.9%, Davao del Sur nga adunay 11.1%, Davao de Oro sa 9.9%, Davao Oriental sa 5.6%, ug Davao Occidental uban ang 3.9% nga economic output.
Ang PPA, usa sa mga mekanismo nga kabahin sa Gross Domestic Product kon GDP sa nasud gikan sa subregional level.
Gikatala sab sa buhatan ang pagtubo ug balik sa ekonomiya sa dakbayan ug 6% sa miaging tuig, gikan sa negative 9.6% niadtong 2020 diin nahitabo ang mga quarantines gumikan sa pandemya.
via || Bombo LJF
