DAVAO CITY- Gipirmahan ni Mayor Sebastian Baste Duterte ang Executive Order 19 series of 2024 nga nagmugna sa Davao City Muslim Affiars Office kon DCMAO ubos sa Office of the City Mayor.
Sumala pa nga ang maong opisina ang mamahimong maghisgut sa kasamtangang mga balaod, rules and regulations ug sumbanan nga gihatag sa National Commission on Muslim Filipinos kon NCMF.
Nahilakip sa maong executive order nga ang maong opisina ang gilangkuban sa tag-isa ka deputy mayors gikan sa Muslim tribes sa syudad nga mao ang Iranun, Kagan, Sama, Maguindanaon, Maranao, ug Tausug.
Ang maong unom ka deputy mayors ang mo-endorse ug usa ka appointee og nominee ngadto sa Office of the City Mayor nga maoy ituboy isip Executive Program Director of the Davao City Madarash Comprehensive Development and Promotion Unit.
Ang maong mga deputy mayors usab ang nahilakip sa Barangay and Cultural Communities Affairs Division ubos sa Office of the City Mayor nga maoy mo check sa ilahang pang-adlaw adlaw nga buluhaton sa Muslim affairs sa syudad.
Nakaptik usab sa maong EO ang panginahanglan magmugna og Davao City Muslim Sectoral Council kon DCMSC ubos sa maong opisina. Ang konseho langkuban sa mga deputy mayors ug sa gitudlo nga sectoral representatives gikan sa mga sektor sa kabataan, council elders, kababayen-an, Islamic religious representatives nga nagsunod sa Mufti sa Rehiyon 11, negosyo, special concerns for children, Muslim education, ug Balik Islam.
