DAVAO CITY – Naghi-usa ang lokal nga kagamhanan sa dakbayan sa dabaw ug ang non government organization nga Talikala sa kampanya batok Online Sexual Exploitation of Children o OSEC.
Gikanayon ni Davao City Integrated Gender and Development Division (IGDD) head Lorna Mandin gisugdan na sa city government ug sa NGO Talikala ang ilang information campaign nga naghisgut labot sa sexual exploitation sa mga kabataan pinaagi sa online platforms.
Ang OSEC ang bunga sumala pa sa online publication o transmission sa mga videos, litrado ug live streaming sa sexual abuse o exploitation sa usaka minor de edad ngadto sa laing tawo nga dili makita sa mga biktima bugti sa dakong bayad.
Sumala ni Mandin nga mahinungdanon ang media forum aron mapaabot ngadto sa mas daghang katawhan ug masayud sa Online Sexual Exploitation sa mga kabataan, ug sa nagkataas nga suliran nga ang Pilipinas ang nahimo nang pinaka-dakong tinubdan sa OSEC cases subay sa usaka pagtuon niadtong 2020.
Subay sa pagtuon nahimong biktima sa sexual exploitation sa Pilipinas ang mga bata nga nag-edad ug unsi anyos samtang uskaa tuig usab ang pinaka-batang biktima.
Sa 71 ka mga kaso 141 ka mga traffickers ang nalambigit ug giimbestigahan na sa kapulisan.
Sa 141 ka mga traffickers 66% mga nag-edad ug 27 anyos ug kadaghanan mga Pinoy nga nakig-transaction ngadto sa mga langyaw.
Dugang pa ni Mandin nga maka-alarma na ang maong kaso sanglit kasagaran sa mga kaso sa OSEC ang family-based crime diin sa 217 ka mga biktima mga kabanay usab sa mga traffickers, 41% usab niini ang gipang-abuso sa ilang biological parents ug 42% biktima sa uban nilang mga kabanay.
