DAVAO CITY – Personal nga mibisita si Davao City Mayor Sebastian Duterte sa haya ni Barangay Kagawad Joel Daguinsal Siawan kagahapon.
Sigon sa mga hulagway nga gipaambit sa social media, mapasalamaton ang usa sa mga kabanay ni Kagawad Joel nga si Michael Siawan, makapagaan sa ilang kasakit sa maong panhitabo ang iyang pagduaw.
Naglaum sab ang pamilya sa mga saad sa mayor nga nga kinahanglan madakpan ang mga nagbuhat niini sa mga biktima ingun man ang nauna nang nangamatay nga lider sa tribung Matigsalug.
Kahinumduman nga niadtong Sabado, Hulyo 1 dihang gipamusil patay sa mga wa mailhing suspek ang duha ka mga biktima nga sila Kagawad Siawan ug Indigenous People Mandatory Representative Ernesto Linog Matalam samtang naglusad og ritwal sa Sitio Bagong Silang, Brgy Baganihan, Marilog District, ning dakbayan.
Laraw karon sa DCPO nga mamugna og SITG alang sa halawom nga imbestigasyon sa maong insidente diin usa sa mga gitutukan ang bangi sa yuta.
Gikatakdang ihatud sa ulahing kapahulayan ang mga biktima ugmang adlawa, Hulyo 8.
via || Bombo LJF
