DAVAO CITY – Nangandam na ang lokal nga kagamhanan sa dakbayan sa dabaw alang sa mga lakang nini kung ugaling makasulod sa syudad ang Monkeypox Virus.
Gikanayon ni Davao City Covid 19 Task Force Spokesperson Dr. Michelle Schlosser, bisan ug wala pay gikatalang kaso sa nahisgutang sakit ang nasud, kinahanglan nga mangandamk nang daan aron hinanaling kining magpugngan kung ugaling magbaton na ug kaso niini ang syudad.
Sumala ni Schlosser, lataw sa lokal nga kagamhanan nga gamiton ang covid cluster clinics o CCC alang sa mga Monkeypox patients.
kini gumikan ka yang CCC ang dili lamang iksklusibo alang sa COVID 19, kung dili alang usab sa uban pang mga emerging ug re-emergiing diseases sama sa Monkeypox.
Bisan pa man, padayon gihapon ang panawagan sa lokal nga kagamahan ngadto sa mga Dabawenyo nga mag-amping ug palig-unon ang resistensiya aron dili basta-basta nga mataptan ug unsa man nga mga sakit.
Pahinmumdom sa nahisgutang opisyal nga batasanon usab nga magsul-ob ug mas alang sa proteksiyon kontra covid 19 ug monkeypox.
