DAVAO CITY – Nagmuntar na ang Davao City LGU og drop off points alang sa inyong ihatag nga donasyon ngadto sa mga biktima sa nahitabong sunog sa Barangay 21-C, Piapi Boulevard ning dakbayan.
Abli ang mga drop off points sa Rizal Park kili sa Davao City Hall ug Task Force Davao headquarters sa may Sta. Ana Wharf sukad kahapon hangtud karong orasa.
Gikinahanglan karon sa mga kaigsuonan natong nabiktima sa sunog ang ready to eat nga mga pagkaon, tubig, hygiene kits, ug mga gamit pantulog.
Sa mga buot mag-donar, mamahimo kamong mutawag sa numerong 0951-794-2374 ug pangitaa si Shine Kintanar.
Tibuok adlaw mudawat og donasyon ang lokal nga panggamhanan sa Davao aron itunol sab sa mga nabiktma sa sunog.
Sa pikas bahin, dali nga miresponde ang Davao City LGU ngadto sa mga residente sa Barangay 21-C diin gitagana na ang mga personahe sa City Social Welfare Development Office alang sa paghatod ug pagkaon ug hinabang sa mga nasunogan.
Sumala pa sa City Disaster Risk Reduction Management Office chief Alfredo Baloran, kasamtangang gihikling na ang mga residente sa covered coury ug barangay hall sa Barangay 21-C.
via || Bombo LJF
