DAVAO CITY – Mihangyo ang lokal nga panggamhanan sa Bureau of Fire Protection (BFP) ning siyudad sa ilang 20% share sa collections sa Fire Code revenue sukad tuig 2010 hangtud 2013.
Matud pa sa City Legal Office kinahanglan sa konseho ning siyudad nga i-authorize si Mayor Sara Duterte-Carpio nga lagdaan ang memorandum of agreement.
Ang nahisgutan nga hangyo pinasikad sa Fire Code, nga nagtugot sa pag-release sa 20% nga share sa lokal nga panggamhanan gikan sa koleksiyon sa BFP.
Kahinumduman nga sayo sa tuig 2015, gipagula ni kanhi Department of Interior and Local Government (DILG) secretary Manuel Roxas II ang policy guidelines alang sa pag-release sa 20% share.
Gikanayong ang maong pundo igahin sa pagamit sa operation and maintenance sa local fire stations sa siyudad ingon man ang konstruksiyon ug pagkumpuni niini subay sa Republic Act 9514 o Fire Code of the Philippines.
