DAVAO CITY – Aduna na lamay nahabiling loan balance ang dakbayan sa Dabaw nga P46.706 million nga gikatakdang ma-impas atol sa unang tunga sa tuig 2022, sa dili pa hingpit matapus ang 6 ka tuig nga termino ni Davao City Mayor Inday Sara Duterte Carpio.
Atol sa iyang state of the city address gikanayon ni mayor INday sara nga matag tuig adunay gina-alokar nga dakong kantidad ang dakbayan aron mabayaran ang mga utang niini.
Sumala sa mayor nga mamahimo nang debt-free ug wala nay utang ang davao city pag-abot ssa katapusan nga bahin sa first half sa calendar year 2022.
Na-una nang gibutuyag sa mayor nga atol sa iyang kadumalahan, ang syudad ang nagabayad ug kapin sa 200 million pesos matag tuig alang sa mga natigum nga loan sukad pa sa termino sa iyang amahan nga si kanhim mayor ug kasamtangang president Rodrigo Duterte.
Sa nahisgutang panahon, insaktong 70 million pesos ang nahabiling utang nga wala pa nabayaran. Dugang pa ni Mayor Inday Sara nga wala siya masayud sa detalye sa nahisgutang utang nga gihimo taliwala sa mga tuig 2008 – 2009 nga nagkantiodad ug halos usaka bilyon ka pesos.
Gitin-aw usab niini nga wala siya mihimo bisan ug usaka loan atol sa iyang termino.
Sa kasamtangan, ang dakbayan sa dabaw ang adunay mokabat sa P200 million – P300 million nga kantidad nga igahin alang sa mga proyekto sa lokal nga kagamhanan.
