DAVAO CITY – Nagpahayag sa iyang kahibulong si Davao City First District Councilor Nilo Abellera Jr. mahitungod sa kwestyonableng pagbutang ug landing spot sa gisugdang Samal Island – Davao City Connector Bridge project.
Matud pa sa konsehal, posibleng makaapekto sa kinaihayan ug kadagatan sa Samal ang mamahimong starting point nga tulay diin maigo ang duha ka resorts sa syudadnong isla.
Nangutana sab kini kon adunay laing alternatibong lugar nga ipahiluna ang sinugdanan sa tulay, og nganong wala gikonsidera ang ubang mga lugar nga posibleng maglagak ug starting point sa maong tulay.
Gikanayon sab ni Abellera nga posibleng maghatud ug kadaot alang sa mga katawhan nga nanginabuhi sa kadagatan sa Davao Gulf ang disenyo sa tulay diin sumala pa sa mga marine bioligists, gikabalaka sab ang pagkadaot sa mga coral reefs ug ubang mga nilalang ilawom sa dagat.
Gipaklaro hinuon sa konsehal nga wala siya nagdumili sa proyekto apan nagpasabot sab siya nga kinahanglang i-reconsider ang alignment sa maong tulay.
via || Bombo LJ Florendo
