DAVAO CITY – Nagpadayon karon ang tunnel boring activity sa Davao City bypass tunnel construction project nga dakong tabang sa dakbayan.
Sumala sa Department of Public Works and Highways (DPWH), nagpadayon karon ang kalambuan sa pagtukod sa nahisgutan nga proyekto uban ang initial excavation nga gipahigayon sa north portal ug south portal’s northbound direction, sanglit ang bypass usa ka two-tube mountain tunnel.
Kini matud pa ang labing una nga long-distance mountain tunnel sa nasud.
Gikanayon ang excavation mugamit ug specialized equipment sama sa drill jumbo, concrete spraying machine, ug articulated dump hauler.
Gikanayon sab sa DPWH, nga ang bypass tunnel adunay 2.3 ka kilometros nga gi-tas-on ug mamahimong ubos na lamang ang travel time tali sa Barangay Toril, ning dakbayan ug Barangay JP Laurel, Panabo City gikan sa halos duruha ka oras ngadto na sa 49 ka minuto ug dakung tabang arun nga makunhuran ang paghuot sa dagan sa trapiko sa siyudad.
Nasayran nga ang nagpadayon nga proyekto ang adunay Contract Package 1-1 nga gipundohan ug P13.23 billion ug gigastohan ilalom sa Special Terms for Economic Partnership Loan tali sa Pilipinas ug Japan International Cooperation Agency.
Gikanayong ang inisyal nga kontrata ang gilangkuban sa pagtukod sa 7.9 kilometer four-lane road, tulo ka pares sa tulay nga adunay gitas-on nga 500 meters, duruha ka underpasses, duruha ka overpasses, ug upat ka mga at-grade intersections.
Ang bypass tunnel construction project ang kabahin sa Build, Build, Build Program sa kasamtangang administrasyon nga nakatutok sa mga big-ticket infrastructure projects, kalakip na ang Mindanao Railway Project.
Bisan nga aduna nay bag-ong administrasyon gipasalig karon sa DPWH nga ilang ipadayon ang pagtukod sa mga infra projects.
