DAVAO CITY – Gikanayon ni Davao City Economic Enterprise Acting Administrative Officer Gary Castillo nga all systems go na ang buhatan alang sa Kalag-kalag karong tuig.
Pagbutyag sa opisyal ngadto sa Bombo Radyo Davao nga kasamtangang nagpagawas ug mga guidelines nga ipahimangno sa mga katawhan nga mubisita sa mga sementeryo lakip ang mga health and safety protocols.
Andam na sab ang mga security forces nga magbantay sa kalihukan sa tawo, dagan sa trapiko, ug pagmentenar sa kaluwasan sa katawhan taliwala sa nagpahinabong pandemya sa COVID 19.
Kasamtangan naglihok sab ang mga empleyado sa CEE alang sa paglimpyo sa mga lubnganan sa mga sementeryo sa dakbayan, ilabi na sab ang pagpahubas sa tubig sa may Panacan Public Cemetery aron mamahimong maagian sa katawhan sa adlaw sa Kalag-kalag.
Nag-awhag sab ang buhatan sa katawhan nga sundon ang mga guidelines nga ipasibaw sa lokal nga panggamhanan ilabi na ang paglikay sa pag-adto sa sementeryo kon makasinati ug mga flu-like ilnesses sama sa ubo, sip-on ug kalitura.
via || Bombo LJ Florendo
