DAVAO CITY – Tulo na lamang ka mga barangay sa dakbayan sa dabaw ang nahimutang karon sa moderate risk category sa covid 19.
Subay sa Barangay classifications nga gipagawas sa lokal nga kagamhanan sa dakbayan sa dabaw gikan Abril 18 hangtud Abril m23, 2022 ang nahisgutang tulo ka mga barangay ang gilankguban sa Barangay Cabantian, MAtina Crossing ug Toril Proper ning dakbayan sa dabaw.
Samtang, lima usab ka mga barangay sa Davao city ang naa karon ssa Low risk category nga gilangkuban sa mga barangay 2-A, Bucana, Bunawan Proper, Matina Pangi ug Tigatto.
Ang nag-anam nga pag-ubos sa ihap sa mga barangay nga mitala ug mga kaso sa covid 19 karong panahona ang resulta sa hinugtanay nga kampanya sa lokal nga kagamhanan may kalabutan sa pagbakuna batok covid 19 ug ang padayon hnga kamanduan alang sa pagsul-ob ug facemask bisan pa man ug gipa-ilalom na ang syudad sa alert level 1 diin mas luag na nga mga restrictions.
Bisan pa man niini, walay hunong lamang gihapon ang pahinumdom sa lokal nga kagamhanan nga dili magpasagad ang katawhan ilabi na nga bag-uhay lamang gihinumom ang semana santa diin namayikdan ang pagdagsa sa daghang mga tawo sa mga beach resorts ug uban pang mga suruyanan.
Angayan lamang gihapon nga sumala pa likayan ang pag-adto sa mga lugar nga pabiling mitala ug mga covid 19 cases gawas lamang kung adunay importante ug emegrncy nga mga katuyuan.,
