DAVAO CITY – Abli ang dakbayan sa Davao nga mudawat og mga repatriated Overseas Filipino Workers (OFWs) nga gikan sa nasud China.
Kini mismo ang gikanayon ni Department of Health Davao Regional Director Dr. Annabelle Yumang sabay sa pagbutyag nga kasamtangan pa nilang ginasuta ang usa ka lugar nga mamahimong quarantine facility kung ugaling pasado kini sa Department of Health (DOH) ug Bureau of Quarantine (BOQ).
Ang mga repatriated OFWs ang gikinahanglang ipailalom sa quarantine sulod sa 14 ka adlaw.
Kahinumduman og nasayran nga human nga mideklara og public health emergency si Pangulong Rodrigo Duterte, gilayon nga nangandam ang dakbayan sa posibleng mahatag nga tabang niini kalabot sa maong problema nga nakaperwisyo sa halos tibouk kalibutan.
Ning kasamtangan, wala pa gibutyag ni Yumang kung asa nga pasilidad mamahimong ipailalom sa quarantine ang nasangpit nga mga repatriated OFWs apan gipasalig niini nga maka-akomodar kini og kapin kun kulang 30 ka mga tawo.
