DAVAO CITY – Dungan sa pagpangandam sa siyudad sa pag-abot sa mga bakuna nga magsilbing proteksiyon sa virus nga hinungdan sa Coronavirus Disease 2019 (Covid-19), nakompleto na sa City Health Office (CHO) workers nga maoy manguna sa vaccine shots ang duruha ka adlaw nga Training on the Covid-19 Vaccination Program nga gipangunahan sa Department of Health (DOH) sukad sa milabay nga adlaw.
Sumala pa kang Dr. Ashley Lopez, Focal Person sa Davao City Covid-19 Task Force, nga tanan nga mga personahe sa City Health Office (CHO), ilabi na kadtong nadestino sa District Health Centers ang magsilbing frontline implementers sa vaccination program.
Sakop sa training ang overview sa Covid-19 Vaccine Deployment and Vaccination ug walo ka mga modules.
Gikanayon ni Lopez nga usa pa lamang kini ka initial training sa city health workers nga manguna sa pagbakuna sa higayon nga sugdan na kini.
Kalakip sab sumala pa sa ipahigayon ang COVID-19 Electronic Information Registry (CEIR) diin tanan nga mga tawo nga naka-rehistro ang mo-sign up alang sa immunization program nga isumite sa regional office sa Department of Health (DOH) paingon na sa ilang central office sa Manila.
Gawas sa training sa mga health workers, gisapinal na sab sa CHO ang master list sa mga grupo nga hatagan og prayoridad sa bakuna.
