DAVAO CITY – Padayon karon nga gibisita sa mga persohane sa City Health Office (CHO) ang mga barangay ning dakbayan sa Davao kini aron masiguro nga malikayan ang bisan unsa man nga mosquito borne disease o mga sakit nga sagad makuha sa mga lamok sama na lamang sa dengue.
Sumala pa kang Elizabeth Banzon, head sa Tropical and Nutrition Division sa CHO, nga mahinungdanon nga ang matag barangay adunay igong kasayuran kung paunsa nila limpiyohan ang ilang palibut aron nga dili makapangitlog ang mga lamok nga nagdala sa susama nga sakit.
Gawas niini, nagapahigayon sab sila og libre nga check up sa mga residente sa barangay nga gikalintura aron masubay kung wala kini gi-dengue.
Nanawagan na lamang ang ahensiya ngadto sa barangay nga batasanon ang pagpanglimpyo sa palibut ilabi na sa mga breeding site sa mga lamok ingon man iyabo ang mga tubig nga nagpundo aron nga malikayan nga makapangitlog ang mga lamok nga posibleng nagdala sa nahisgutan nga balatian.
