DAVAO CITY – Nanawagan ang City Health Office (CHO) ngadto sa mga residente nga nanimuyo daplin sa Davao river nga likayan na ang paglabay og hugaw sa kasapaan.
Tipik lamang kini human nga nag-negatibo na matud pa sa polio virus ang Davao river subay sa ulahing gipahigayon nga test niini.
Gikalipay kini sa City Health Office (CHO) kini human nga duruha ka higayon nga nagpositibo ang Davao river sa polio virus sa unang duruha ka tests samtang nag-negatibo na sa laing duruha ka ulahi nga tests.
Sumala pa kang Dr. Julinda Acosta, Technical Division Chief sa City Health Office (CHO) nga kinahanglan pa gihapon nila nga pahugtan ang mga lakang batok sa polio virus.
Kahinumduman nga gawas sa ikatulong round sa bakuna kontra polio nga ipahigayon sa Enero 20 hangtud Pebrero 2, magpahihgayon og bakuna alang sa Type 1 ug Type 3 nga polio virus nga gikatakda sa Pebrero 17 hangtud Marso 1, 2020 ug sa Marso 23 hangtud Abril 5 ning kasamtangan nga tuig.
