DAVAO CITY – Nanawagan ang City Environment and Natural Resources Office (Cenro) ngadto sa kabarangayan ug sa residente niini, lakip na sa mga establisamento nga padayong ipatuman ang solid waste management ordinance sa ilang tagsa-tagsa ka mga dapit sanglit usa kini sa labing maayo nga pamaagi sa pagdumala sa mga basura sa mga giilang model barangay ug mga pribadong establisamento sa dkabayan sa dabaw.
Gisugyot sa Ecological Solid Waste Management Ordinance of 2009 sa syudad ang compulsory sorting o ang pagbahin-bahin sa mga solid wastes pinaagi sa mga establishments ug barangay-based materials recovery facilities.
Gikanayon ni Orly Limpangog sa City Environment and Natural Office (Cenro) Environmental Waste Management Division’s Information Education Campaign Unit iyang gidayeg ang mga barangay Lapu-Lapu, Vicente Hizon, Mahayag, ug Cabantian gumikan sa inisyatibo niini nga suportahan ang solid waste management program sa syudad.
Dugang pa ni Limpangog nga ang barangay lapu-lapu ang bugtong barangay nga nagpatukod ug usaka waste museum.
Samtang, number 1 usab sumala pa ang Barangay Vicente Hizon sa waste segregation o pagbahin-bahin sa mga basura ug kanunay nga duawon sa mga bisita alang sa benchmarking.
Kahinumduman nga niadtong 2017, gilusad sa lokal nga kagamhanan sa dakbayan sa dabaw ang mga inisyatibo niini aron mas mapalig-on pa ang solid waste management pinaagi sa pakig-alayaon tali sa Environment Bureau sa Kitakyushu city, ug sa usaka Japanese non-profit group nga Kitakyushu City Environmental Preservation Association (KEPA), ug sa Japan International Cooperation Agency (JICA).
Tumong sa partnership nga makamugna ug usa ka model project sa dakbayan nga mag focus sa pagpalambo pa sa solid waste management pinaagi sa pagpalig-on sa partisipasyon sa komunidad ug sa pribadong sektor.
