DAVAO CITY – Nangandam na sab karon ang Francisco Bangoy International airport sa pagdagsa sa mga turista ug bisita nga laomang modoble gumikan sa gikatakdang kasaulogan sa Kadayawan sa Davao.
Sa kasamtangan aduna nay gipahimutang nga mga dekorasyon sa tugpahanan aron nga mabati sa mga bisita ang pag-welcome kanila dinhi sa siyudad.
Mismong si City Tourism Operation Office head Generose Tecson ang nangunay sa gihimong pagpangandam sa tugpahanan alang sa mga bisita.
Samtang sa bahin sa kadumalahan sa tugpahanan, gibutyag ni Rex Obcena, airport manager, nanawagan kini sa mga pasahero ug koordinasyon ug kinahanglan nga dili basta-basta ibilin sa mga nahisgutan ang ilang bagahe.
Ipatuman sumala pa nila ang hugtanon nga mga sumbanan gumikan kay alang lamang kini sa kaayohan sa mga pasahero.
