DAVAO CITY – Lauman nga mousbaw ang ihap sa mga pasahero nga mamahimong ma-akomodar sa Davao International Airport sa mosunod nga mga bulan.
Kini sa higayon nga hingpit nang makompleto ang ipatumang duha ka mga development projects sulod sa nahisgutang airport.
Niadtong milabay nga adlawng martes, personal nga giduaw ug gi-inspection ni DoTR secretary Art Tugade ang airport nga gikatakdang ipa-ilalom sa duha ka mga development project.
Ang nahisgutang mga proyekto ang gilangkuban sa improvmenent ug expansion sa existing passenger terminal building nga gikatakdang butangan ug lounge nga iksklusibo alang sa mga OFWs ug contactless travel experience sa ilang contactless check-in kiosks.
Tungod sa nahisgutang mga kalambuan, gilauman nga moabot na sa 2,200 gikan sa 1,500 ka mga pasahero na ang mamahimong ma-accommodate sa tugpahanan.
