DAVAO CITY – Duna na’y bag-o nga Indigenous People Mandatory Representative alang sa konseho ning dakbayan sa Davao ang National Commission On Indigenous People Regional Office.
Naila ang bag-ong representante nga mao si Datu Demetrio Bolo nga mao ang mi-qualify sa posisyon subay sa selection process sa mga tribu.
Nasayran gikan kang NCIP Regional Director Geroncio Aguio, ipahimutang nila si Bolo karong Hulyo dungan sa mga bag-ong napili ka mga sakop sa konseho.
Gipulihan ni Bolo sa posisyon ang unang napili sa Bagobo Klata nga si Cherry Ann Codilla nga wala makalingkod sa pwesto human nga gi-kwestyon sa NCIP gumikan sa hisgotanan sa bloodline ug track record.
‘So ang documentation na lamang ug ang pag-submit sa (NCIP) Regional office ang himoon aron nga ma-isyohan siya ug certificate of affirmation. Qualified na gyud na siya.’ Pahayag ni NCIP Eleven Director Geroncio Aguio.
