Nakit-an na sa mga otoridad ang usa sa duha ka flight data recorder o blackbox sa Air India passenger plane nga nahagsa.
Sumala sa civil aviation minister, nakaplagan ang blackbox duol sa crash site sa Ahmedabad. Padayon gihapon ang pagpangita sa usa pa ka blackbox sa maong lugar.
Personal nga mibisita si Indian Prime Minister Narendra Modi sa dapit diin nahitabo ang pagkahagsa sa eroplano.
Nagsugod na usab ang imbestigasyon nga gihimo sa mga eksperto gikan sa United Kingdom ug Estados Unidos, aron masuta ang hinungdan sa insidente.
Samtang nagdagkot usab og kandila ang mga residente nga duol sa lugar isip pagpakita og simpatiya sa mga biktima.
Walo ka ka tawo ang nakabsan sa bahin sa gambalay nga nahgsaan sa eroplano, samtang unom ka patay nga lawas ang na-turn over na sa ilahang pamilya pagkahuman kini mailhan sa ilang mga paryente.
Kahinumduman nga kalit lamang nahagsa ang Air India plane pipila ka minuto human kini mo-take off paingon sa London. Sa 242 ka pasahero nga sakay sa eroplano, usa lamang ang nakalingkawas nga kini usa ka Briton nga si Vishwashkumar Ramesh nga nakaangkon lamang og pangos og paso sa iyahang nawong.
