DAVAO CITY – Gipasalig ni Department of Agriculture (DA) Secretary William Dar nga andam kanunay ang ahensiya nga tabangan kadtong mga hog raisers sa lalawigan sa Davao Occidental nga apektado sa African Swine Fever (ASF) human nga kumpirmadong nataptan ang kapin usa ka libo ka mga alagang baboy sa nahisgutan nga disease.
Hinuon gibutyag sa opisyal nga laoman sumala pa nga mapugngan na ang pagkatag niini gumikan sa gipatuman nga lock down karon sa lalawigan kini aron nga dili na kini makatabok sa uban nga lugar sa Davao region.
Kahinumduman nga gawas sa Don Marcelino, apektado sab sa ASF ang Malita.
Nanawagan na lamang ang opisyal ngadto sa kapulisan nga makiglambigit kanunay sa ahensya aron nga mapugngan ang pagkatag sa ASF.
Usa sa ilang gitutokan nga hinungdan nganong nakasulod ang ASF ang gilangkuban sa pagpayuhot og karne nga gikan sa lugar nga kontaminado sa maong disease.
Hinuon padayon pa karon ang ahensya sa ilang pagpanubay kung paunsa naapektohan ang mga alagang baboy sa ASF bisan nga sa Manila lamang nagsugod ang disease.
Nasayran sa kalihim nga mamahimong maka-utang og P30,000 ang mga apektadong hog raisers aron nga makasugod ang mga nahisgutan sa ilang bag-ong panginabuhian.
Pahayag ni Department of Agriculture (DA) Secretary William Dar.
