DAVAO CITY- Tumong karon sa usa ka dakong unibersidad dinhi sa dakbayan lakip ang rehiyon onsi nga mahimong Aerospace hub ang nasud sa Southeast Asia.
Kini ang gikanayon sa chairperson sa AdDU Aerospace Engineering (ASE) department ug lead advisor sa rocketry team nga si Dr. Rogel Mari Sese nga adunay dakong potensyal kini sa pagpalupad ug rocket.
Gawas niini, usa ka gateaway sa Pilipinas ang Davao Region nga posibli sab kining mamahimong astro-tourism gumikan dinhing dapita dali lamang makita ang naglaray nga mga kabituonan.
Ang malampuson nga pagpalupad sa rocket nga ‘Sibol’ atol sa 7th annual Spaceport America Cup usa ka dakong garbo nga dili lamang alang sa mga naglangkob sa maong proyekto apan sa kinatibuk-an dinhi sa rehiyon ug sa nasud.
Gipahigayon ang Spaceport America Cup 2024 New Mexico, United States of America, niadtong June 22, 2024 nga kini usa sa labing dako nga Intercollegiate Rocket Engineering Competition nga gisalmutan sa 200 ka mga team nga naggikan sa baynte ka mga kanasuran sa tibuok kalibutan.
Kahinumduman nga niadtong tuig 2019 gilaraw sa Philippine Space Agency nga sa Mati City, Davao Oriental pagatukuron ang unang Philippine satellite launch site nga una ng gikanayon nga ang Mati adunay geographical advantage isip potential space agency site. Sumala pa sa maong plano nga aduna na sila’y nakitang lugar apan wala pa kini nasilyuhan.
