DAVAO CITY – Gibahibalo ni Konsehal Ralph Abella nga pabilin sumala pa karon nga African Swine Fever (ASF) free ang dakbayan sa Davao ug istrikto pa gihapon ang pagmonitor nila sa mga checkpoint nga pasulod sa siyudad.
Sumala pa kang Konsehal Abella, nga bisan walay natala nga kaso sa ASF sa siyudad, kinahanglan pa gihapon nga tumanon sa mga hog raisers ang pahimangno nga dili pakaonon ug lamaw nga adunay sagol nga karne ang mga baboy inay kadtong mga lamaw sumala pa nga adunay dahon sa gulay ingon man prutas ang mas maayong ipakaon niini.
Naglaom sab si Konsehal Abella nga dili ilakip ang manok sa mga i-ban pagpasulod dinhi sa dakbayan ilabi na nga base sumala pa gipagulang kamandoan, tanan nga mga buhing hayop nga gikan sa laing lugar ang dili mamahimong ipasulod sa siyudad ilabi na kung wala kini igong dokumento.
Samtang plano sab ni Abella nga iduso sa City Council ang pagpatuman ug Odorless backyard hog raising ug gamiton ang hugaw sa mga baboy isip fertilizer aron nga mapahimuslan pa kini.
