DAVAO CITY – Bisan nga sa bulan sa Setyembre pa ning kasamtangan nga tuig ipahigayon ang Meetings Incentives Conferences and Exhibitions (MICE) conferences, nangandam na karon ang dakbayan gumikan kay usa kini sa mga lauman nga dagsaon sa mga bisita.
Sumala pa kang Generose Tecson, head sa City Tourism Operations Office (CTOO) nga usa sa hagit karon sa ahensiya nga malabwan ang gipahigayon nga MICE dinhi sa dakbayan sa milabay nga tuig.
Gitataw sab ni Tecson nga mas nindot gayud nga dinhi sa dakbayan ipahigayon ang susama nga aktibidad kini tungod daghanan pa og madiskobrehan ang mga bisita ilabi na ang mga nagkadaiyang kultura nga dili matud pa makita sa ubang lugar sa nasud.
Ang MICE ang usa lamang sa mga dakong event nga himuon sa siyudad karong 2020.
Pahayag ni Generose Tecson, head sa City Tourism Operations Office (CTOO).
