DAVAO CITY – Karun pa lang nangandam na sab ang dakbayan sa posibilidad nga makasinate na sab ug lain nga surge sa kaso sa Covid-19 hatud sa BA.2 sub-variant sa Omicron variant.
Obserbahan matud pa ang posibleng nga surge sa kaso, usa o duruha ka bulan gikan karun sumala sa public health experts.
Apan nagtoo ang lokal nga kagamhanan nga posibleng sa musunod nga bulan kini mabati. Dili lamang sumala pa kini dinhi sa dakbayan apan sa tibuok nasud.
Tipik lamang kini human ang nasinatian karun nga surge sa uban nga mga kanasuran nga hatud sa BA.2 sub-variant.
Tungod niini, dili na usbon sa siyudad ang mga kasamtangan nga executive orders sa higayon nga ibalik ang restrictive protocols, kalakip na ang pagpatuman ug lockdowns.
Angayan matud pa nga hugtanong mutamud sa pagsuot ug face masks ug pahimuslan ang booster dose vaccine arun nga magbaton ug dugang nga layer sa proteksiyon batok Covid-19 disease.
Gitambagan sab ang mga tawo nga adunay comorbidities o pre-existing serious diseases nga magpabakuna na uban ang booster vaccine muabot ang surge sa kaso.
