DAVAO CITY- Mikabat sa 4,350 ka mga sakyanan ang nalambigit sa disgrasya sa miaging tuig.
Kini ang gipagula nga datos sa sakyanan nga nakaangkon ug problema sa ilahang pagbayahe sa matag adlaw nga kung diin miubos kini sa 3,221 karong tuiga sa susamang panahon.
Samtang subay sa datos usab kabahin sa mga nahitabongg disgrasya sa kadalanan nag-una ang mga pribadong sakyanan kon four wheeled vehicles nga adunay 40%, gisundan sa motorsiklo nga adunay 18% ug sa mga trak nga adunay 9%.
Kung itandi sa miaging tuig, nakatala ug 2,515 ka mga disgrasya sa kadalanan dinhi sa syudad, apan niubos kini sa 1,655 karong tuiga.
Samtang sa datos, sa mga nag-unang kadalanan nga adunay nahitabong disgrasya, nag-una niini ang Carlos P Garcia nga adunay 16%, gisundan sa Mc. Arthur highway nga anaa sa 11%, Sasa nga adunay 7%, samtang ang Tibungco ug Bunawan adunay 5%.
Sa mga nahitabong disgrasya, adunay taas nga porsyento sa damyos sa mga propedad ang nga anaa sa (87%), samtang gamay lamang ang ihap sa mga nakabsan sa kinabuhi nga anaa sa uno porsyento.
