DAVAO CITY – Hingpit na karun nga nagpatuman ang lokal nga kagamhanan ug ban sa pag-transport ug mga manok pasulod dinhi sa siyudad gikan sa mga areas nga apektado sa bird flu outbreak kini arun nga ma-protektahan ang mga local poultry industry batok sa posibleng pagkatagh sa kagaw.
Hinuon gikanayon ni Dr. Cerelyn Pinili, head sa City Veterinary Office, nga kadtong mga manok ug uban pang mga langgam nga gikan sa mga area nga walay kaso sa Covid-19 ang ginatugtan basta kay maka-presenta ang mga nahisgutan ug biosecurity clearance.
Dili isab pugngan sa lokal nga kagamhanan kadtong mga mahiligon sa sabong nga ipadala ang ilang mga manok pan-sabong paingon sa laing lugar alang sa national derbies apan kung ibalik na kini dinhi sa dakbayan, kinahanglan nga magdala ang mga sabongero ug veterinary health certificate nga gi-isyu sa private o government veterinarian ug certified sa local government ug kinahanglan kalakip niini ang shipping permit.
Hugtanon nga gidid-an karun sa dakbayan ang pagpasulod sa mga manok, pato, itik ug uban pa gikan sa mga area nga adunay kaso sa bird flu.
Gipasalig ni Pinili nga mihimo na ug mga lakang ang lokal nga kagamhanan human ang ulahing kaso sa avian influenza kasikbit nga lugar sa Magsaysay sa Davao del Sur ug North Cotabato ingon man Sultan Kudarat provinces.
Gani nagmuntar na sab karun ug 13 veterinary checkpoints nga gi-assess sa Task Force Davao ug Davao City Police Office arun nga mapalambo pa ang border control ug mamonitor ang pagsulod sa mga live poultry ug poultry products dinhi sa dakbayan.
Ang dakbayan anaa sumala pa karon sa “Stage 1,” diin nagpasabot kini nga gawasnon pa sa avian flu.
Gipaningkamut matud pa sa siyudad nga dili makasulod ang infection arun nga ma-protekhan sab ang mga local raisers ingon man ang mga konsumante ilabi na nga ang bird flu, usa ka zoonotic disease, nga mamahimong makatakod sa tawo nga makasinate ug “mild” respiratory symptoms sama sa ubo, sip-on ug fatigue.
