DAVAO CITY – Gipasalig karun sa lokal nga kagamhanan partikular na ang Davao City Covid-19 Task Force nga andam ang dakbayan sa higayon nga adunay musulod nga bag-ong COVID-19 variants sa siyudad kalakip na niini ang Omicron subvariant BA.2.12.1 diin anaa na sa 14 ka mga indibidwal ang natakdan nga gilangkuban sa 11 ka mga langyaw nga turista, duruha ka mga residente nga taga Metro Manila ug usa ka residente nga taga Puerto Princesa City sa Palawan.
Sumala pa kang Dr. Michelle Schlosser, spokesperson sa Davao City Covid-19 Task Force, nga wala nila gipadaplin ang pagsulod sa bag-ong Covid-19 variants.
Gitataw niini nga luyo sumala pa sa gipahugtan nga border control, dili sumala pa kalikayan ang mga bag-ong variants nga makasulod sa nasud ug bisan dinhi sa siyudad sanglit dili makita ang kagaw ug dili sab masayran kung adunay sintomas niini ang mga tawo nga anaa sa palibut.
Subli sab nga gibutyag sa city health official nga wala gibag-o sa siyudad ang mga estratehiya ug ipadayon nila ang pagpatuman sa PDITR+ (Prevent, Detect, Isolation, Treat, Reintegration plus Vaccination).
Samtang nagpadayon sab karon ang lokal nga kagamhanan sa gipatuman nga mobile vaccinations, dili lamang sa mga barangay kung dili lakip na sa mga pampubliko ug pribadong establisyemento ingon man government offices.
Gikanayong ang Vaccination hubs nahimutang sa strategic areas sa siyudad alang sa pediatric nga lima hangtud na sa 11 anyos ingon man sa 12 ngadto na sa 17 anyos ug 18 pataas nga population age groups.
Padayon sab sumala pa karon ang gipahigayon nga pagtuon sa Omicron subvariant BA.2.12.1 sa mga eksperto.
Sama sa Omicron, paspas sab sumala pa kini nga makatakod. Gihisgutan na sab sumala pa karon sa Davao City Covid-19 Task Force kung paunsa pahugtan ang mga lakang sa mga tawo nga dili magsuot ug facemask ug ipasabot pag-ayo ang kamahinungdanon niini.
