DAVAO CITY – Daghanang serbisyo ang ibubo sa Sitio Tapayanon sugod karong tuiga human nga aksidente nga nadiskobrehan sa mga militar ang maong dapit sulod lamang karong tuiga.
Kahinumduman nga ang Sitio Tapayanon, usa ka geographically isolated ug disadvantaged area nga nahimutang sa utlanan sa Bukidnon, Agusan del Sur ug Davao del Norte.
Nadiskobrehan ang maong dapit sa mga sakop sa 60th Infantry Battalion (IB) sa 1001st Infantry Brigade sa milabay nga bulan sa Abril ning kasamtangan nga tuig dihang nagpahigayon ang kasundalohan ug manhunt operation batok sa mga miyembro sa New People’s Army (NPA).
Sumala pa kang National Anti-Poverty Commission (NAPC) Mindanao operations manager Augusto Tapia plano nila nga magpahigayon ug service caravan sa area sa Setyembre 30 ning tuig kasamtangan.
Gikanayong pinaagi sa maong caravan mahatagan ang mga residente ug opportunidad nga maka-avail sa mga serbisyo sa kagamhanan kalakip na ang medical ug edukasyon.
Una ng gibutyag ni 60th IB officer Lieutenant Amadeuz Vincent John Celestial nga aksidente lamang ang pagka-diskobre sa lugar human ang operasyon sa kasundalohan kaniadtong milabay nga bulan sa Pebrero.
Gani dili sumala pa familiar ang kasundalohan sa maong dapit ug mapasalamaton sila gumikan kay walay nahitabong engkuwentro.
Pipila sa mga isyu ug concern nga gipadangat atol sa gipahigayon nga consultation mao ang civil registration, malnutrition, basic education, problema sa panglawas sa mga katigulangan ug kabataan, registration sa Indigenous Peoples (IP) political structure diin kalakip niini ang ancestral domain, hygiene ingon man sanitasyon.
