DAVAO CITY – Daghanang pasahero ang naka-uyon sa serbisyo sa Peak Hours Augmentation Bus Service (Phabs) kini base na sab sa survey nga gipahigayon sa Davao City Transport and Traffic Management Office (CTTMO).
Kahinumduman nga gisugdan ang Phabs sa ulahing bulan sa Pebrero ning tuig kasamtangan sa lokal nga panggamhanan isip tubag sa nagkataas nga demand nga makapili ug daghanang public transportation options atol sa peak hours sa siyudad partikular na sa area sa Toril ug Catalunan grande.
Sumala pa kang CTTMO head Dionisio Abude nga ang resulta sa ilang gipahigayon nga survey gipahigayon sa traffic agency.
Pipila sa mga gipangutana mao mismo ang mga pasahero nga mosakay sa nahisgutan nga bus.
Apan gikuwestiyon karon sa public utility jeepney (PUJ) operator ang CTTMO kung nganong dili sab magpahigayon ug survey sa mga pasahero sa jeepney terminals sa Toril ug Catalunan Grande.
Hinuon gikanayon sa opisyal nga nagpahigayon ang siyudad ug survey sa 1,200 Phabs passengers ug 1,200 PUJ passengers sa terminals diin gipangutana sumala pa ang mga nahisgutan sa tulo ka managlahi nga kuwestiyon.
Gikanayong ang resulta sa survey ang anaa na sa City Administrator’s Office ug isumite sab kini sa Land Transportation Franchising and Regulatory Board.
