DAVAO CITY – Paspas nga mibakwit ang mga residente sa San Roque sa may Talomo ning dakbayan sa Davao human nga paspas ang pagsaka sa Talomo River kagabii.
Usa sa mga residente sa lugar si Shiela Mae Maynabay nga mibati ug grabe nga kabalaka dihang gipatingog na ang sirena isip timailhan nga kinahanglan ng mobakwit sa mga residente.
Temporaryo una sila nga nagpabilin sa Saint Lord Parish sa may Bangkal hangtud nga miubos ang tubig baha.
Samtang gikanayon sab ni Maribeth Sinados, residente sa Taal St. sa Bangkal ning dakbayan sa Davao, nga gikan pa sila sa iyang trabaho apan wala na sila nakauli sa ilang pinuy-anan gumikan sa kusog nga pagbaha.
Gani pipila sumala pa sa mga panimalay sa ilang lugar ang gi-anod na matud pa sa kusog nga baha sanglit lampas tao na kini.
Wala sab silay nadala nga butang gumikan sa kapaspas nga pagsaka sa tubig.
