DAVAO CITY – Daghanang mga armas nga iya sa New People’s Army group nga una ng namonitor sa Northern nga utlanan sa Davao Oriental ug Davao De Oro ang narekober sa mga tropa sa 66th Infantry Battalion sa hulit nga lugar sa Sitio Danawan, Brgy. Manurigao, New Bataan, Davao de Oro.
Gilangkuban kini sa upat ka mga M16 rifles, usa ka M14 rifle, duruha ka AK47 rifles, usa ka Garand rifle, usa ka Carbine rifle, ug duruha ka M203 grenade launchers.
Gikanayong miresponde sa lugar ang otoridad human nga nakadawat ug impormasyon gikan sa duruha ka mga kanhi lider sa nahisgutan nga grupo nga mitahan kang Ltc. Roman S. Mabborang, Commander sa 66IB ug Hon. Jayvee Tyron L. Uy, Governor sa Davao de Oro ingon man sa Head sa Provincial Task Force Ending Local Communist Armed Conflict (PTF-ELCAC).
Una ng gibutyag ni MGen. Jose C. Faustino Jr., Commander sa Eastern Mindanao Command nga bisan padayon ang ilang paggukod sa mga rebeldeng grupo, angayan nga suportahan gayud ang peace initiatives sa Local Government Units ug sa kagamhanan ilabi na sa mga hilit nga barangay
