DAVAO CITY – Ubay-ubay ka mga job seekers ang na-hire on the spot atol sa gipahigayon nga Kalayaan Job fair sa ahensiya sa Department of Environment and Natural Resources (DENR) kagahapon.
Mapasalamaton ang ahensiya gumikan kay daghanang mga kompanya sa lokal ingon man abroad ang nanginahanglan ug mga empleyado hinungdan nga daghanan ang nahatagan ug trabaho.
Mukabat sa 58 ang na-hire sa lokal diin kadaghanan niini mga Baker, promodizer ug daghanan pa samtang 51 ang sa abroad.
Daghanan sab ang naghulat na lamang alang sa final interview.
Kadaghanan sab sa mga bag-ong graduate ang na-hire isip mga bag-ong empleyado sa call center company.
Tumong sa Kalayaan job fair nga makunhuran ang ihap sa mga walay trabaho ingon man mga underemployment.
