DAVAO CITY – Laoman sumala pa nga mas daghanang maakomodar nga mga turista sa mosunod nga tuig kini tungod sa mga bag-ong hotels ug inns sa dakbayan.
Sa kasamtangan, bugtong 9,000 rooms gikan sa accommodation establishments sa dakbayan ang makaakomodar panahon sa peak season apan kinahanglan karon sa dakbayan ang 12,000 rooms.
Sumala pa kang Davao City Chamber of Commerce and Industry Inc. (DCCCII) president Arturo Milan nga mamahimong masolusyonan na ang kakulangon niini gumikan kay mas daghanan na matud pa nga mga hotels sa siyudad ang mag-operate sa 2020 nga adunay 1,400 rooms.
Gi-angkon sab ni Milan nga usa sa mga hagit karon sa siyudad kung hisgutan ang turismo mao ang suliran sa accommodation.
Una na sab nga gibutyag ni Davao City Tourism Operations Office (CTOO) head Generose Tecson nga nanginahanglan ug daghanang hotels ug convention hotels ang dakbayan aron nga maakomodar ang pagsaka sa tourist arrivals ingon man prospective investors.
