DAVAO CITY – Gikalipay sa City Transport and Traffic Management Office (CTTMO) nga dili na huot ang dagan sa trapiko sa may Ulas bridge ning siyudad kini dungan sa pag-abli sa duruha ka lane sa dalan sa gikumpuni nga tulay niining milabay nga adlaw.
Kahinumduman nga nahimo ng han-ay karon ang dagan sa mga sakyanan sa nahisgutan nga area ug dili na makasinate og paghuot sa trapiko ilabi na panahon sa peak hours.
Sumala sa Department of Public Works and Highways (DPWH) 11 gi-ablihan nila ang duha ka lane sa dalan gumikan kay nagsingabot na ang kapaskohan ug lauman ang daghanang mga sakyanan nga molatas paingon sa downtown.
Samtang lauman sumala pa nga sa bulan sa Marso 2020, matapos na sab sa DPWH ang dugang lane sa dalan sa nahisgutan nga dapit.
Sumala pa kang CTTMO head Dionesio Abude, nakatabang sa ilang mga enforcers ang pagdumala sa trapiko sa lugar nga sagad maghuot ang sakyanan panahon sa kabuntagon ug kagabhi-on.
