DAVAO CITY- Mamahimo gihapong magpabakuna batok COVID-19 ang mga Dabawenyo sa People’s Park gumikan gilugwayan pa sa Davao City COVID-19 Task Force ang weekend vaccination sa maong lugar hangtud sa bulan sa Disyembre ning kasamtangang tuig.
Gikanayon ni Dr. Michelle Schlosser, spokesperson sa Davao City COVID-19 Task Force, nga wala nay rason ang mga tao nga dili makapabakuna gumikan gilugwayan na nila ang weekend vaccination diin gi-awhag ni Dr.
Schlosser nga mu-adto na sa People’s Park ang mga wala pa nakapabakuna aron ma protektahan ang kaugalingon batok sa virus ug aron malikayan ang pagkaylap niini.
Subay niini, gumikan hapit na sab magsugod ang full implementation sa face-to-face classes sa Nobyembre 2, gi-awhag ni Dr. Schlosser ang mga ginikanan nga pabakunahan ang ilang mga anak.
Gani, mamahimong ma avail ang First dose, 2nd dose ug mga booster shots sa People’s Park.
VIA|| KAYE MARIE GULLE
