DAVAO CITY – Gipahimangnoan ang mga Dabawenyo nga mobisita sa Hongkong nga likayan ang mga protest sites aron nga dili mapagan sa kagubot.
Sumala pa kang Mindanao Tourism Council (MTC) executive director Jonallier Perez aduna nay mga Filipino nga nasikop human nga naala-an nga misalmot sa demonstrasyon.
Samtang gikanayon sab ni Regina Rose Tecson, Davao City Tourism and Operations Office (CTOO) head, nga wala nila gipugngan ang mga dabawenyo nga moadto sa Hong Kong apan kinahanglan nga magbinantayon ang mga nahisgutan samtang nagbakasyon sa maong dapit.
Kahinumduman nga kaniadtong bulan pa sa Hunyo miulbo ang tensiyon sa Hongkong human nga gipalabang ang extradition bill diin ang mga nakasala sa Hongkong ang dad-on sa China aron nga didto taralon sa iyang gi-atubang nga kaso.
