DAVAO CITY – Gibutyag karon sa Department of Agriculture Davao Region nga dili makasinati ang tibook rehiyon onse og “rice scarcity” bisan pa man anaa na ta sa El Nino.
Matud pa ni DA XI Rice Price Monitoring Focal Person Alex Sibuan, adunay igong suplay sa bugas ang Davao Region ug kasamtangang nagpadayon naga-ani ang mga mag-uuma sa ilahang kahumayan ning panahona.
Dugang pa ni Sibuan nga gawas sa ting-ani karon, ang rehiyon onse naga-angkat sab og suplay gikan laing rehiyon sama sa Caraga Region, South Cotabato, ug uban pang silingang rehiyon.
Saysay pa usab niya nga aduna nay supply nga gina-angkat karon ang Rehiyon gikan sa mga dapit nga nasud sa Asya sama nalang sa Vietnam maong igo gayud ang rice supply sa rehiyon.
Dako usab matud pa ang produksyon karong tuiga kung itandi sa wet season sa bulan sa Nobyembre sa tuig 2022.
Ning kasamtangan, namatikdan gihgapon sa buhatan ang pagsaka sa presyo sa bugas diin adunay P1 nga pagsaka sa retail price sa matag kilo.
via || Bombo Mel Valledor
