DAVAO REGION- Gipasalig sa Department of Agrarian Reform 11 nga mahatagan ang mga mag-uuma nga walay yuta sa rehiyon onse.
Gibutyag ni DAR 11 Regional Director Atty. Jazon Collado, nga daghan matud pa ang mahatagan og Certificate of Land Ownership Award kon CLOA.
Sumala pa nga kini nga mando gikan sa Central Office nga humanon na ang pag apod-apod sa Collective CLOA.
Dugang pa sa opisyal nga dunay mga Agrarian Reform Beneficiaries nga nakadawat apan ang pipila niini dunay dispute gumikan sa pwesto sa nakuhang yuta Ilalom sa Collective CLOA.
Samtang sa pikas bahin, gipasalig usab ni Atty. Collado nga angay lamang nga mahatagan ang mga mag-uuma o tenant sa usa ka agricultural land na gi-convert sa nanag-iya ngadto sa ubang land use.
Sumala pa nga mahatagan kini og Disturbance Compensation ang bisan kinsang maapektohan hilabi na ang mga tenant nga mag-uuma nga nagatrabaho sa usa ka agricultural nga gipanag-iyahan sa pribadong indibidwal.
Samtang gibutyag usab nga ang Land Tenure Services naka-validate sa 32,000 ka ektarya alang sa 19,000 ka Agrarian Reform Beneficiaries nga adunay total nga loan nga kantidad nga P1.4 milyones sa Davao Region, nga nagsiguro sa land tenurial status sa mga mag-uuma ug mga mamumuong panguma sa mga yuta nga ilang gitikad.
Alayon matud pa kini sa implementing rules and regulation sa RA No. 11953 nga nagpagawas sa ARBs gikan sa pinansyal nga palas-anon pinaagi sa pagtugot sa tanang principal loan, unpaid amortizations, ug uban pa.
Sumala pa nga tumong usab sa maong buhatan nga mapa improve ang seguridad sa land tenure ug mapahugtan og property rights sa ARB’s diin ilalom sa kasamtangang administration duna nay nahatag nga 81, 868 hectares nga agricultural land sa 65, 573 ka mga ARB’s.
