Giplanuhan sa Department of Agriculture (DA) nga kunhuran ang pork import sa Pilipinas ug hangtod sa 60,000 metriko tonelada karong tuiga.
Kini dungan sa kagustuhan sa ahensya nga mapakusgan ang local production homan sa gihimong mga programa sa pagpalagsik sa hog industry sa nasud.
Subay sa plano sa DA, gusto niining pulihan ang 10% gikan sa imported pork supply sa nasud ug ipangtapal niini ang domestic production o lokal nga produksyon, kini ang katugbang sa 60,000 metriko tonelada sa karne sa baboy.
Matod pa sa ahensya, magamit dinhi ang P2.1 billion nga pondo alang sa modified repopulation program.
Ubos sa gibag-ong repopulation program sa ahensya, adunay tulo ka managlahing package nga mahimong mapuslan sa mga mag-uuma sa nasud.
Ang mga nahisgutan ang mamahimong itugyan sa mga kwalipikadong benepisyaryo nga adunay kasayuran sa pagbuhi, pagpadako ug pagpakusog sa produksyon sa baboy.
Gumikan niini, naglaum ang DA nga matubag ang panginahanglan ug konsumo sa nasud ug mapabangon ang local hog industry gumikan sa epekto sa ASF.
