Padayon ang gipahigayong validation sa Disaster Risk Reduction Management sa Department of Agriculture (DRRMDA) Eleven sa nahimong danyos sa ting-init dinhi sa Rehiyon 11.
Sa pakighinabi sa Bombo Radyo Davao gipahayag ni Roy Pascua, tigpamaba sa DRRM sa DA eleven nga mikabat na sa P231 ka milyon ka pesos ang danyos sa ting-init, ug P161 ka milyon ka pesos na niini ang ilang na-validated.
Niining adlawa giduaw sa DA eleven ang Davao del Sur ug gisuta ang dugang kadaut sa pananum nga hatud sa ting-init sa nahisgutan nga lalawigan.
Gumikan sa namugnang kadaut duna nay gimugna nga intervention ang DA-11 pinaagi sa mga water pumps alang sa mga naughan nga mga basakan.
Kini pinaagi sa mga water pumps nga mao ang mopasulod ug tubig sa kaumahan. Andam na sab ang similya alang sa sunod nga planting season nga matigayon sa tunga-tunga sa Abril hangtud sa Mayo kasamtangan nga tuig.
Sa tibuok nasod duna sa’y P100 ka milyon ka pesos isip dugang tabang sa mga mag-uuma gumikan kay duna sa’y pundo ang Philippine Crop Insurance Corporation (PCIC) alang sa mga mag-uuma nga wala gayuy naani sa nadanyos nila nga mga kaumahan. Tumong niini nga kaabagan ang mga mag-uuma nga subling maandam ang ilang mga kaumahan.
“In terms sa interventions nato nagdeploy na ta’g open force pump and naa tay buffer stocking sa seeds kasi ang scheduled of planting nila is sometime in mid-April to May and that’s the time nga mohatag tau g interventions sa ilaha in terms sa seeds. Ang pinaka-intervention nga gi-work out namo mao ang cloud seeding, kasi sa planting kailangan din nila ang ulan.” Si Roy Pascua, tigpamaba sa Disaster Risk Reduction Management sa Department of Agriculture (DA) eleven.
