DAVAO CITY – Gibutyag Dr. Cirilyn Pinili, head sa City Veterinarian Office (CVO) nga paningkamutan nila karon nga dili makasulod sa uban nga bahin sa dakbayan ang African Swine Fever (ASF) hinungdan nga gilayon nila nga gipatuman ang lockdown sa mga lugar nga apektado niini partikular na ang Brgy. Dominga ug Lamanan sa Calinan.
Atol sumala pa sa ulahi niyang pagbisita sa lugar, anaa pa sa maayo ang kondisyon sa uban nga baboy sa lugar apan tungod sa gipatuman nga protocol, kinahanglan nga patyon ang mga baboy nga sakop sa 1 kilometer radius gikan sa dapit diin natala ang ASF sanglit paspas sumala pa ang pagkatag sa virus.
Samtang hugtanon sab nga surveillance ug monitoring ang ilang himuon sa mga baboyan nga sakop usab sa 7 kilometer radius.
Gikanayon sab ni Pinili nga sa kasamtangan dili pa nila mabutyag kung asa naggikan ang ASF nga nanukad sa pipila ka mga barangay sa Calinan ilabi na nga sudlonon ang nahisgutan nga dapit hinungdan nga aduna na silay mga personahe nga nagpahigayon og pagpanubay kalabot niini.
Pahayag ni Dr. Cirilyn Pinili, head sa City Veterinarian Office (CVO).
