DAVAO CITY – Gi-anunsiyo sa Davao City Transport and Traffic Management Office (CTTMO) nga epektibo sa Enero 1, 2020, mangolekta na sila ugt parking fees gikan sa mga nanag-iya ug sakyanan nga nakaparada sa pito ka mga kadalanan sa downtown area kini aron pahg-regulate sa paggamit ug parking spaces.
Gitahasan na matud pa ang ahensiya nga ipatuman ang nahisgutan nga lakang ilabi na nga mamatikdan sumala pa nga daghanang mga sakyanan ang bisan asa na lamang nga ginaparada.
Gitataw sab sa CTTMO nga ang pay parking ipatuman sugod alas sais sa buntag hangtud na sa alas nuebe sa gabii sugod lunes hangtud adlaw nga sabado alang sa initial phase sa public pay parking zone implementation.
Ang maong ordinansa una nga ipatuman sa San Pedro, Ilustre, Pelayo, Iñigo, Villa Abrille, Monteverde, ug Duterte streets.
Gikanayong ang parking rates sa mga truck ug bus ang anaa sa P100 alang sa unang duruha ka oras ug P20 alang sa dugang pa nga mga oras; P20 sa light vehicles sa unang duruha ka hours ug dugang P10 sa mosunod pa nga mga oras; sa mga motorsiklo kinahanglan mobayad ug P5 parking fee sa unang duruha ka oras samtang P1 alang sa succeeding hours; ug P2 bisikleta atol sa unang duruha ka oras ug P1 sa succeeding hours.
