DAVAO CITY – Gihangyo karon sa City Transport and Traffic Management Office (CTTMO) head Dionesio Abude nga bisan gihatagan karon og pabor ang pipila ka mga sidewalk vendors nga mamaligya karong panahon sa kapaskohan nga dili okupahon ang tanan nga mga kadalanan aron nga makaagi pa ang mga tawo ug dili makadisturbo sa mga motorista.
Kahinumduman nga temporaryong gitugtan ang mga vendors aron nga adunay extra nga income ang mga nahisgutan karong holiday season.
Kahinumduman nga una ng gibutyag ni Paul Bermejo, head sa Ancillary Service Unit (ASU), nga hangtud lamang Enero sa mosunod nga tuig ang gitugot sa mga vendors ug dili kini mamahimong magdugay sa pagpamaligya daplin sa kadalanan ilabi na nga adunay kamandoan si Pangulong Rodrigo Duterte nga limpiyohan ang mga dalan nga adunay nakababag o naka-disturbo sa mga vendors.
