DAVAO CITY – Gipahimangnoan ni City Transport and Traffic Management Office (CTTMO) head Dionesio Abude ang publiko nga moadto sa ilang buhatan kung aduna kini reklamo kalabot sa overcharging sa pamasahe labi na sa mga tricycle.
Tipik lamang ang pahayag sa opisyal nga gipadangat karon sa ahensiya nga aksiyonan ang lakang sa mga Indian National Medical students nga anaa sa dakbayan tungod kay sobra sumala pa ang pangayoan nga bayad sa mga tricycle driver bisan nga duol lamang kini sa ilang tulonghaan sa Davao Medical School Foundation (DMSF).
Hinuon gipasalig ni Abude nga subayon nila ang reklamo ilabi na nga ang minimun nga pamasahe ang anaa lamang sa P7.00 samtang P5.60 sa mga estudyante. PWDs ug senior citizen.
Angayan sumala pa nga personal nga moadto sa ilang buhatan sanglit dili sila makahimo ug aksiyon sa higayon nga walay iduso nga reklamo.
Nagbahad sab ang opisyal nga kung kumpirmado nga overcharging ang singil sa pamasahe, hayag nga ma-revoke o makansela ang permit niini.
