DAVAO CITY – Gi-angkon sa City Transport and Traffic Management Office (CTTMO) nga aduna pay pipila ka mga motorista ang wala pa nasayud kalabot sa gipatuman nga Pay parking zone.
Hinuon gimandoan na matud pa nila ang ilang mga Pay parking enforcers nga kinahanglan ipasabot niini sa mga motorista ang bag-ong ipatuman nga polisiya.
Samtang gibutyag sab ni CTTMO head Dionesio Abude nga sa kasamtangan, kulang pa gihapon ang ilang gipahimutang nga mga signages sa mga kadalanan sa siyudad diin gipatuman ang pay parking zone apan lauman nga matapos na kini sa mosunod nga semana.
Samtang gitambagan sab niini ang ilang mga pay parking enforcers nga kung magmagahi ang motorista, ipakuha ang description sa sakyanan ug ang plate number niini.
Ipatuman sumala pa ang pay parking zone matag Lunes hangtud Sabado sugod sa alas sais sa buntag hangtud na sa alas nuebe sa gabii.
Pipila sa mga kadalanan sa siyudad diin ipatuman kini ang gilangkuban sa San Pedro Street; Ilustre Street; Pelayo St.; Iñigo St.; Villa Abrille St.; Monterverde St.; ug V. Duterte Street.